• TRABALLAMOS BEN . TRABALLAMOS CON XEITO . RECICLAMOS. COMPARTIMOS TRABALLOS DE METEOROLOXÍA . FINALMENTE O NOSO PROXECTO ETWINNING OBTIVO O *** SELO EUROPEO DE CALIDADE E O SELO NACIONAL DE CALIDADE***
  • Desde esta bitácora pretendemos compartir algunhas das actividades que realizamos ou trataremos de realizar . Ademais intenta ser unha ferramenta de axuda para todos aqueles alumnos/as, pais/nais e profesores/as que desexen acceder a temas de información ( libros ,revistas , enlaces , recursos dixitais ,software educativo ...) sobre o traballo e os proxectos que desenvolvemos

    miércoles, 30 de septiembre de 2015

    DE CIENCIAS NATURAIS /SOCIAIS


      Estrelas e constelacións.
                       por   IVÁN ÁLVAREZ BRAÑA

           Este verán fun ao cámping O Telleiro en Sada ( A Coruña ) onde estiven cos meus amigos e polas noites íamos  a un camiño ou á praia onde víamos estrelas e constelacións . As que sempre recoñezo son a Estrela Polar, a Osa Maior e a Osa Menor .
    Tamén vin unha estrela fugaz que me sorprendeu moito porque nunca vira unha desas , foi moi bonita. 

     

    Estrela Polar.
    Denomínase  Estrela Polar á estrela visible a simple vista que se ubica na bóveda celeste de maneira máis próxima ao eixe de rotación da Terra no polo celeste; aínda que por convención, co térmo de Estrela Polar faise referencia á estrela máis próxima ao Polo Norte. De modo que permanece case fixa no ceo e sinala o Polo Norte xeográfico, polo que foi empregada polos navegantes como punto de referencia nas súas travesías oceánicas .

    Osa Maior.
    A Osa Maior ou Ursa Maior [abreviado UMa], tamén coñecida como  Carro Maior ,  é unha constelación visible durante todo o ano no hemisferio norte ( o noso) . Entre os aficionados se lle coñece co nome de “O carro”, pola forma que debuxan as súas sete estrelas principais.

    Osa Menor.
    A Osa Menor é unha das constelacións máis coñecidas do hemisferio norte. Consta de sete estrelas coa forma de carro; catro delas formarían o que é a parte fonda do carro e as outras tres serían o que é o mango do carro.
    O elemento máis coñecido da Osa Menor é a Estrela Polar.
    Dada a súa ubicacion ,  a Osa menor só se pode ver no hemisferio norte durante todo o ano.  Xunto coa súa compañeira a Osa Maior, é un dos elementos máis característicos do firmamento deste hemisferio .

    Estrelas fugaces.
    As estrelas fugaces son meteoros , concepto que fai referencia ao fenómeno luminoso que se produce cando un obxecto atravesa a nosa atmosfera. Estrela fugaz é un termino impropio  xa que non se trata propiamente de estrelas.
                                              Fonte de información : Wikipedia 

    No hay comentarios:

    Publicar un comentario