VISITAMOS A DOMUS DE A CORUÑA

Fixemos unha interesante saída á Domus da Coruña, museu interactivo de referencia sobre tecnoloxía e ciencia , tamén coñecido como a Casa do Home.  Ubicado nun lateral do barrio de Monte Alto e mirando cara ao mar de Riazor. Alí os alumnos/as puideron manipular e observar infinidade de  artiluxios de divulgación científica.

Curso finalizado e nova etapa .

  Déixovos aquí dous enlaces :  un ás fotos e vídeos da excursión ao Grove xunto cun traballo en inglés sobre a mesma  e o outro é un enlace ao vídeo sobre esta promoción de 6º que vimos no acto de graduación.

 Moita  sorte e felices vacacións !! 

                                  Carlos

      EXCURSIÓN AO GROVE  .  FAI CLIK AQUÍ .  

      

      VÍDEO DA PROMOCIÓN  DE 6º    

   

Viaxe ao Grove. Crónica final

  Aínda que houbo algún amago de "naufraxio " nun kayak, algunhas paradas "técnicas" na ginkana Warrior  e na pendente do Rocódromo que fixeron algúns participantes e que a auga da Lanzada non estaba " excesivamente quente" , quédome cos mil e un aspectos positivos da viaxe. A salientar entre todos eles , a boa química na convivencia que tiveron os nosos alumnos con outros grupos de 2 colexios de Tui cos que compartiron actividades.
  Tratarei de engadir estes días algunhas fotos e vídeos da excursión que creo que teño por aí apalancados .
  Houbo máis actividades e xogos que as que vedes nas fotografías , algunhas delas moi curiosas como o xogo de " Montgomery e Rommel" , que foi  pola noite  con lanternas na mesma praia.
 En fin ,  foi unha moi bonita excursión , cunha meteoroloxía axeitada.
                Un saúdo.
                                          Carlos.

Viaxe ao Grove. Día 3. Aínda máis sol.

Aínda que non fomos  coa idea de voltar máis negros , morenos ou coa pel vermella en diferentes grados , niveis e cromatismos , é posible que así veñamos algúns/has
  Hoxe, con máis sol,  na Praia da Lanzada,  impresionante  exhibición de ....  BODYBOARD !!!!

Pola tarde máis adrenalina con escalada
no rocódromo.
   Velaquí os nosos infatigables escaladores/as.

VIDEO 1
VIDEO 2 VIDEO 3

Viaxe ao Grove . Día 2 .Sol

O almorzo

 Na praia , axudados polo sol e algo atacados por unha fresca brisa atlántica  , fixemos diferentes actividades : Canoas ,mergullo e baño.

   Houbo tamén algo de pesca extractiva: dous bichos de interés.
Un polbo

e un camarón.

A pesar do cal o ecosistema do Grove quedou intacto xa que foron devoltos á ría 

Video 1
Video 2
Video 3
Video 4
Video 5