Visita do escritor Héctor Cajaraville

    O mércores, 8 de maio, veunos visitar o escritor Héctor Cajaraville , Premio Merlín de Literatura Infantil 2018 co libro Kusuma .  Recibímolo no noso colexio na Biblioteca   Escolar. 
Alí Héctor respostou todas as nosas preguntas , escoitou con interese algunhas das nosas propostas e contounos algunhas anécdotas sobre os seus comezos de escritor, sobre o xeito en que pensou , colleu ideas , documentouse e argallou a trama deste libro.

A xuntanza foi moi bonita e compartida cos nosos compañeiros de 4º. 

Unha visita importante.A escritora María Canosa.

  O venres, 2 de marzo , visitounos María Canosa, escritora que gañou o Premio Merlín 2017 co interesante libro " Muriel" que limos neste trimestre.

  Tivemos unha longa conversa con ela na que nos contou moitas cousas sobre a súa vida e traballo como escritora ,respondendo posteriormente ás nosas preguntas.

    O evento literario  tivo lugar  na  Biblioteca Escolar , sendo moi enriquecedor  para todos e todas os/as  alumnos/as e profesores/as presentes.

    Aquí estamos...

Día de Rosalía

 Compartimos biblioteca e recital poético cos nosos compañeiros de 5º .

Nun lugar certamente  literario como é a nosa Biblioteca  Escolar limos  e recitamos unha serie de poemas  , uns inventados e outros da propia Rosalía de Castro .
          Aquí estamos  .  Foi un acto  de gran interés poético-emotivo para todos e todas os/as alumnos/as e profesores/as  presentes .

Unha interesante visita. A escritora Andrea Maceiras.

 O martes , 2 de maio, recibimos a visita da escritora Andrea Maceiras, autora do libro "Volverás golfiño" . O libro presenta un relato interesante que nos trouxo moitos recordos a nivel persoal e familiar de barcos e vivencias .
   Andrea respostou a todas as nosas preguntas , escoitou con interese algunhas das nosas propostas e contounos algunhas anécdotas sobre o libro e a Costa da Morte .Aínda que non puidemos gozar dunha presentación en imaxes que ela traía por falta de operatividade dun dispositivo,   a xuntanza  foi moi bonita e compartida cos nosos compañeiros de  6º

Outono.Lectura de contos de medo

O xoves , 3 de novembro , fixemos unha lectura de contos de   medo na biblioteca escolar  para entreter e, se cadra, asustar aos nosos compañeiros das clases de  3º e 4º . Contos feitos na escola e por nós .
 

Visita da escritora ÉRICA ESMORÍS

           O   27 de abril  recibimos a visita da  escritora                           ÉRICA  ESMORÍS  autora do libro   NENA E O MAR   ,    PREMIO MERLÍN  DE  LITERATURA INFANTIL  2015  . Dentro dese marco incomparable que é  a nosa Biblioteca  Escolar,  Érica Esmorís  fíxo una exposición moi interesante   sobre o xeito en que pensou , colleu ideas ,  argallou a trama   e escribiu  este libro .  Un dato que nos chocou a todos foi o xeito de buscar os nomes dos persoaxes.   Eran  palíndromos .  É dicir , podíanse ler  igual  de esquerda a dereita e de dereita a  esquerda.
    Otto , Arora , Kilik , Itati , Hannah , Umu , Medem, Neuquen

  

Visítanos a escritora Ledicia Costas

     O  18  de   maio  veunos  visitar a escritora Ledicia Costas , Premio Merlín de Literatura Infantil 2014 .  Contounos moitas anécdotas  sobre  as cousas  que aparecen no  seu  libro   Escarlatina , a cociñeira defunta  . Sorrimos e rimos dabondo  coas peripecias   que nos relatou da súa infancia , sobre  asuntos de gatos ,  de receitas francesas   e sobre o seu avó  .  Foi realmente un encontro moi bonito  cunha escritora  xenial .   

PARA SABER MÁIS  SOBRE  LEDICIA COSTAS