Proxecto A CIDADE VELLA : Caderno dixital

Proxecto A Cidade Vella

Curso finalizado e nova etapa .

  Déixovos aquí dous enlaces :  un ás fotos e vídeos da excursión ao Grove xunto cun traballo en inglés sobre a mesma  e o outro é un enlace ao vídeo sobre esta promoción de 6º que vimos no acto de graduación.

 Moita  sorte e felices vacacións !! 

                                  Carlos

      EXCURSIÓN AO GROVE  .  FAI CLIK AQUÍ .  

      

      VÍDEO DA PROMOCIÓN  DE 6º    

   

Cidade vella : Sir John Moore e unha maqueta

DE LERIA CUN TAL SIR JOHN MOORE

  Como unha actividade que é   parte do proxecto A Cidade Vella  saímos  pola Cidade Vella  cara a María Pita    e atopamos a Sir  John Moore ... quen nos contou  cousas moi  interesantes sobre este antigo barrio  ( escudos , pedras, símbolos antigos , significado de prazas e rúas , pantasmas existentes ...) .Rematou  a  conversa connosco no xardín de San Carlos  convertido en estatua ... 

   Foi unha roita tan divertida como informativa na  que John Moore empregou unha curiosa mestura de linguas : galego, castelán, inglés , francés e  portugués.

    IMPORTANTE :   Recordounos que había que lle  chiscar  un ollo  cada vez que vaiamos ao xardín de San Carlos coas nosas familias  e  pasemos  diante  da súa  tumba.

  

    Con cartóns de refugallo elaboramos unha maqueta da Cidade Vella a partir dun vello plano de 1774. Este traballo sirviunos de soporte ás clases de C. Sociais relacionadas con Historia e que estamos a tratar ao longo do terceiro trimestre do Curso 21/22 .

Entroido 2022

A Rúa Cortaduría cuxo nome está asociado con cortadoría, que en galego é sinónimo de carnizaría , é o motivo para o que os/as alumnos/as de 5º e 6º foran disfrazados de carniceiras/os , actividade esta enmarcada no proxecto “ A Cidade Vella “

 

       Aquí estamos  de entroidos-carniceiros/as    no colexio 

      

 Aquí xa estamos en plena faena de  carniceiros-entroidos/as  desfilando ...un tanto entusiamados/as.

  

Visita á Cidade Vella e ao Concello

  O mércores, 25 de abril ,  fixemos unha visita  a algunhas prazas  e institucións da Cidade Vella.  Tamén  estivemos no Concello da Coruña . ( En canto sexa posible poñeremos algúns comentarios á mesma)

       O CONCELLO

PRAZA DE AZCÁRRAGA

CAPITANÍA XERAL

 O CONCELLO

De matemáticas: as lousas das rúas

    

          Por Simón   Rodríguez Rodríguez

      SIMÓN  adoita   agasallarnos, de cando en vez, cando nos enfrontamos a     problemas  de matemáticas,   con  solucións alternativas , creativas ,   matematicamente  correctas e  impecablemente calculadas.

     Hoxe  nos propón  algo de cálculo sobre as lousas das rúas da Cidade Vella  

 

Na rúa do Rosario hai  175 lousas no chan. Na rúa Ferrarías hai o 84% de lousas que hai na rúa do Rosario.

   Si sumamos  as lousas da  rúa   Rosario , as da rúa Ferrarías e as da rúa Real  que son o triplo de lousas que na rúa Ferrarías,  o resultado dá un número primo ou composto ?

Si  dividimos o total de lousas  das tres rúas  entre as lousas da rúa Ferrarías .

Cal é o cociente  ?     E o resto ?

UNHA VISITA ÁS MURALLAS DA CIDADE VELLA

                                              por

                       INÉS HERNÁNDEZ  FERNÁNDEZ

O pasado 5 de xuño, os alumnos de 5º e 6º fixemos unha visita guiada polas murallas  da  Cidade Vella. Faláronos das tres portas máis importantes da Coruña: A porta do Parrote, a porta do Cravo e a porta de San Miguel. Todas as portas tiñan dous escudos, o do rei e o do Capitán Xeral de Galicia. A porta o Parrote foi a última en reformarse, foi construída en 1676, durante o goberno do rei Carlos II .A porta do Cravo é moi parecida á do Parrote, pero a parte de arriba quedou desfeita e xa non poden verse os escudos, a porta de San Miguel construíuse en 1595 polo Capitán Xeral, esta fronte ao castelo de San Antón.

   O castelo de San Antón era un illote.  Tamén foi unha prisión, entre os  seus presos  con sona   estivo   Gomez Catoira,  o fareiro da torre de Hércules, que foi a prisión por traficar coa  aceite que lle daban para manter  a luz do faro .  O castelo  foi un lazareto onde os viaxeiros dos barcos que viñan Á Coruña  e tiñan una enfermidade contaxiosa pasaban a corentena  dentro do castelo  e así evitar o contaxio da cidade   despois reformouse e construíuse unha fortaleza.

  Tamén visitamos o xardín de San Carlos, e dixéronnos que antes era un polvorin que estalou e tiveron que reconstruír gran parte da súa  muralla.

De matemáticas y con piedras

 LUCAS CANABAL SAYAGO   nos propone un problema matemático "empedrado" en la Ciudad Vieja. 

    

La calle Herrerías tiene CCCLXXXIX piedras en el suelo. La plaza de María Pita tiene el cuadruple.

¿Cuántas piedras hay en total entre las dos ? ¿Cuántas piedras tiene más María Pita que la calle Herrerías?

 

  As respostas poden vir como comentario á entrada  ou correo ao blog .Publicarase a primeira   resposta  correcta  que chegue antes.

UNHA SAÍDA POLA CIDADE VELLA

             Información elaborada por   June Roca Sedano  , Ana Sánchez-Vieites Bueno  ,  José Francesch Valiño,  Carlos Nicolás Martínez  Elvar , Rebeca  Moreno Vázquez   e  Iván Alvarez Braña          

 O  día  17 de marzo  tivemos unha saída por diversas prazas  da  Cidade Vella . 

  A  Praza de Azcárraga:

  Antigamente chamábase Praza da fariña porque alí había un gran almacén de fariña.

  Dentro desta praza está  a  Fonte do desexo:

 As autoridades querían facer unha fonte dentro da praza así que pediron diversos modelos a obradoiros de Francia. Despois de moito pensar fixeron un combinado  deles   e saíu o deseño actual.

  A pesar do seu nome, non é unha fonte do desexo para tirar moedas e que se cumpra o teu desexo.

       Construírona en honra dunha  muller  que  namorouse dun campesiño e, pola noite, ían verse ás agachadas  e para iso quedaban citados dende dúas puntas opostas dun río que tiñan que cruzar.   A muller levaba un facho que iluminaba ao  home  para que puidera chegar nadando á beira onde estaba ela. Entón o facho da  muller  apagouse cunha racha de vento e el non vía nada. Ao non ver nada o probe morreu afogado. A rapaza , como non o vía, creu  que lle pasara  algo e decidiu tirarse ao auga para ir con el  . A estatua con ela suxeitando o facho é un recordo do feito. 

 Fonte do desexo : Debuxo de José Francesch  Valiño             

PRAZA DE MARÍA PITA:  Levou 100 anos construíla, actualmente alí está  casa do Concello . No  lugar onde está situada había un espazo enorme baleiro. Foi feita para unir a zona da Pescadaría e a parte nova da cidade.

              


     Fachada do Concello da Coruña. Debuxo de  José Francesch Valiño

PALACIO MUNICIPAL : SALÓN DE PLENOS

Alí reúnese o alcalde cos concelleiros para falar con eles sobre temas da cida de   (Tamén serve para facer vodas)Na vidreira do teito están escritos os nomes de 4 mulleres moi importantes da Coruña: María Pita, Emilia Pardo Bazán, Concepción Arenal e Juana de Vega. En cada asento hai representado na madeira un acto histórico da cidade.

                        

DE MATEMÁTICAS

Aínda que non é a época Henrique Saínza Lema métenos nas festas do Rosario e rétanos a descubrir o número de usuarios dunha    atracción.

Nas festas do Rosario da Cidade Vella houbo 1700 persoas  , delas o  35% eran  nenos  , o  47%  adolescentes e o resto adultos . Cantas persoas houbo de cada tipo?
Se os nenos e a metade dos adultos  montaron no  Dragón  Rei  ,  cantas persoas montaron en total ? 

Solucións poden vir como comentarios a esta entrada ou nun correo ao Blog. 

DE MATEMÁTICAS

Gloría Romaní Saavedra  achéganos un problema  que está asociado á actividade  tradicional  da  vella  rúa Troncoso  dende  hai moitos anos  , é dicir  a  bares , tabernas e restaurantes.   

Na rúa  Capitán  Troncoso hai  2  restaurantes . A  Casa Vasca e Pablo Gallego.Onte a Casa Vasca tivo   cheas 5 mesas de 4 cadeiras  e 2 de 2 cadeiras.    Nunha das mesas  restantes   só   había 3 persoas.  En Pablo Gallego tivo  cheas 2 mesas de 2 cadeiras cada unha,   pero ás  6 e media da tarde chegaron o dobre de persoas que xa había. 

Canta xente hai en total nos dous restaurantes? .  E en cada un ?

Solucións poden vir como comentarios a esta entrada ou nun correo ao Blog

DE    MATEMÁTICAS

Aproveitando que o océano Atlántico baña as costas galegas e que , ultimamente , hai moito cruceiro por aquí. IVÁN  ÁLVAREZ   BRAÑA  proponnos o seguinte problema de matemáticas .

Nun barco que chega a A CORUÑA veñen 5.031 pasaxeiros : un terzo deles son alemáns , outro terzo son franceses e o resto italianos.

Cantos pasaxeiros son italianos?

Solucións poden vir como comentarios a esta entrada ou nun correo ao Blog. 

SAÍDA POLA CIDADE VELLA : MURALLAS E CASTELO DE SAN ANTÓN

     O día 13 de marzo fixemos unha saída cara as antigas murallas da Coruña. Alí explicáronnos diferentes aspectos das vellas portas que están naquel muro de pedra.

PORTA DO PARROTE

Esta porta foi unha das últimas portas da fortificación da cidade. A súa construción e de 1676. Foi construída sendo rei Carlos II. É a porta mellor conservada e nela podemos ver tres escudos. O do medio e o escudo real e os dos lados son o escudo do Conde de Aranda, o Capitán Xeneral de Galicia.

PORTA DO CRAVO
Esta porta debeu ser moi parecida a do Parrote, só que non chegou os nosos días a parte de arriba onde debían estar os escudos.
CASTELO DE SAN ANTÓN

Inicialmente foi un lazareto é dicir un hospital onde se atopaba xente con enfermidades contaxiosas como a lepra. Máis tarde foi unha fortaleza capaz de defender a cidade dos numerosos ataques que sufriu durante anos.

Posteriormente converteuse nunha prisión. Un dos presos máis celebres que tivo foi Gómez Catoira, quen era o fareiro da Torre de Hércules. Ao parecer dedicábase  a comerciar e facer cartos   co aceite que a el  lle daban para manter a  luz do faro.

Como só se chegaba alí por mar nunha pequena barca ou bote, a persoa que levaba o bote, o boteiro, tiña alí a súa casa.

 O castelo hoxe é un museo arqueolóxico. 

        Elena , Lúa , Carmen Fernández e Carmen  Álvarez

PORTA DE SAN MIGUEL 

  Foi construída en 1595 polo  Capitán Xeneral Diego das Mariñas.Ten tres escudos  entre os que destaca o central co colar exterior da Orde de Toisón de Ouro,un dos atributos da realeza Española .Desemboca  nun pequeno embarcadoiro do que partía a barca que comunicaba o Castelo de  San Antón.

 XARDÍN DE SAN CARLOS

  Primeiro foi unha fortaleza medieval que protexía a cidade, anos mais tarde converteuse  nun polvorin ata que no século XVII estoupou  , e  onde morreron 200 persoas. Posteriormente foi un lugar onde somente  había  cascallos . Despois foi o lugar  escollido para enterrar a Sir John Moore (Xeneral británico que participou na batalla de Elviña) . Hai unha lenda  que di que  a partir daquel momento converteuse nun xardín cunha pantasma  e así  cada 16 de Xaneiro ten  lugar o reencontro de Lady Sthanhope e Sir John Moore. Lady Sthanhope volve da súa tumba para deixarlle flores a Sir Jhon More.

  Os monitores  da ruta   retáronnos a estar aquel dia alí pola noite,a algúns de nós pareceulles unha boa  e divertida   idea  ,  e  ver se existía a  pantasma e a lenda era real. A  outros pareceulle que non era tan  boa  idea  e que terían medo .

                   Fernando, Andrés , Mateo , Antía e Paula

 

 

Nesta  fotografía obsérvase como as pedras máis novas foron o recambio das antigas pedras que se perderon na explosión do polvorín de San Carlos. As antigas vense que son máis pequenas ,  non tan cuadrangulares.

                                                                                                                                                                         Mateo 

Unha maqueta sobre a Cidade Vella

Con cartóns de refugallo  elaboramos unha maqueta da Cidade Vella a partir dun vello plano de 1774. Este traballo sirviunos de soporte ás clases de C. Sociais relacionadas con Historia e que estamos a tratar nestes días.