De Educación ambiental: o cambio climático

    As aulas de 5º e 6º do noso colexio  xunto cos nosos compañeiros do colexio Curros Enríquez colaboramos en concienciar á sociedade da importancia de evitar , na medida do posible, o cambio climático

PREME AQUÍ PARA VER AS FOTOS

PLENO NO CONCELLO DE A CORUÑA

      Co gallo do 26 aniversario da   Convención  sobre   os Dereitos  do  neno   ( 20 de Novembro  de 1989) fomos convidados  polo Concello da Coruña ,  xunto con  outros colexios da cidade , a  participar nun  Pleno Infantil Conmemorativo.
   Cada  colexio centrouse nun dereito para expoñer e ao MONTEL TOUZET se lle  asignou  EDUCACIÓN.  Así presentamos  un texto elaborado en base á reflexion feita por toda  a  clase de 6º . Isto foi , en síntese,  o que Iván , Iria, Ana, José , Pablo e Rebeca  espuxeron;   froito daquelas reflexións.

                  DEREITO Á EDUCACIÓN    

  Todos  procedemos de  diferentes familias  nas que o  xeito de observar o mundo que nos rodea e de reaccionar ante diferentes situacións non coincide exactamente,  pero Independentemente da familia que teñamos,  todos coincidimos no importante que é recibir educación . Recibimos educación na casa, cos nosos ,  coa xente  que desde que nos levantamos estannos botando unha man e  dándonos apoio. Recibimos  educación en familia  cando nos recordan o importante que é o respecto e a tolerancia, e o que é máis importante cando vemos  que na súa conduta diaria os nosos pais/nais/avós/avoas  se comportan  así. 

  Cando chegamos á escola  tamén   recibimos  educación.  Dannos  unhas normas de convivencia para cumprir . Pero o fundamental  é cando vemos aos nosos profesores/as no seu labor diario , axudándonos,  e sobre todo , dándonos  exemplo de respecto ás normas.   Botando  unha man aos que máis  o necesitan, insistindo e sendo firmes en non tolerar condutas agresivas.

     Na escola aprendemos sobre a cultura e a historia dun país e iso  fainos mellores cidadáns. Aprender a redactar e  a expresarnos en varios  idiomas  axúdanos a integrarnos no mundo . 

     Consideramos  moi importante o valor educativo da solidariedade   porque  no mundo no que vivimos é fundamental poder axudar  aos que , polas razones que foran , non están recibindo educación tanto  aquí  como fóra do noso país.  

  A televisión   debe botar unha man no eido da educación  porque ás veces non axuda.  Cando acendemos a tele nun  horario normal e escoitamos  unha  linguaxe  pouco apropiada ou vemos unhas condutas  non correctas para educarnos ,  non nos está axudando.

    Nalgúns lugares do mundo a educación está moi mal : nenos que se lles obriga a traballar en vez de ir á escola, nenos que se lles obriga a coller  un arma para ir á guerra , en fin,   moito que facer aínda.  Pero nós aquí tamén temos que mellorar : máis becas para quen as precise e máis cartos  para material escolar e material das escolas   

  Sabemos que  os que nos estamos educando agora somos os adultos do futuro  e  polo tanto ben paga a pena non racanear en esforzos para mellorar.

     Foto  de familia de todos os participantes .

  
  Estas foron as nosas propostas de mellora  

  1. Suministrar máis información e cursos para axudar a erradicar as situacións de acoso a nenos que se dan en diferentes ámbitos.

 2. Suministrar  máis  información  e

máis cursos ou obradoiros para axudar a erradicar  a violencia  no deporte e sobre todo á que  rodea ao mundo  do fútbol. 

Estas son as dúas preguntas que lle

prantexamos ao Concello 

1.Como actúa o Concello

  coa xente que hoxe vive na rúa?

  2.    Como actúa o Concello coa xente que ven de fóra e non ten recursos para organizar minimamente a súa vida ? 








O PLENO NOS MEDIOS DE COMUNICACIÓN:

   

UNHA SAÍDA POLA CIDADE VELLA

             Información elaborada por   June Roca Sedano  , Ana Sánchez-Vieites Bueno  ,  José Francesch Valiño,  Carlos Nicolás Martínez  Elvar , Rebeca  Moreno Vázquez   e  Iván Alvarez Braña          

 O  día  17 de marzo  tivemos unha saída por diversas prazas  da  Cidade Vella . 

  A  Praza de Azcárraga:

  Antigamente chamábase Praza da fariña porque alí había un gran almacén de fariña.

  Dentro desta praza está  a  Fonte do desexo:

 As autoridades querían facer unha fonte dentro da praza así que pediron diversos modelos a obradoiros de Francia. Despois de moito pensar fixeron un combinado  deles   e saíu o deseño actual.

  A pesar do seu nome, non é unha fonte do desexo para tirar moedas e que se cumpra o teu desexo.

       Construírona en honra dunha  muller  que  namorouse dun campesiño e, pola noite, ían verse ás agachadas  e para iso quedaban citados dende dúas puntas opostas dun río que tiñan que cruzar.   A muller levaba un facho que iluminaba ao  home  para que puidera chegar nadando á beira onde estaba ela. Entón o facho da  muller  apagouse cunha racha de vento e el non vía nada. Ao non ver nada o probe morreu afogado. A rapaza , como non o vía, creu  que lle pasara  algo e decidiu tirarse ao auga para ir con el  . A estatua con ela suxeitando o facho é un recordo do feito. 

 Fonte do desexo : Debuxo de José Francesch  Valiño             

PRAZA DE MARÍA PITA:  Levou 100 anos construíla, actualmente alí está  casa do Concello . No  lugar onde está situada había un espazo enorme baleiro. Foi feita para unir a zona da Pescadaría e a parte nova da cidade.

              


     Fachada do Concello da Coruña. Debuxo de  José Francesch Valiño

PALACIO MUNICIPAL : SALÓN DE PLENOS

Alí reúnese o alcalde cos concelleiros para falar con eles sobre temas da cida de   (Tamén serve para facer vodas)Na vidreira do teito están escritos os nomes de 4 mulleres moi importantes da Coruña: María Pita, Emilia Pardo Bazán, Concepción Arenal e Juana de Vega. En cada asento hai representado na madeira un acto histórico da cidade.

                        

         PLENO   NO   CONCELLO  DA   CORUÑA

   Co gallo do 24 aniversario da  Convención sobre os Dereitos  do  neno  ( 20 de Novembro  de 1989) fumos invitados polo Concello da Coruña ,xunto con  outros colexios da cidade ,a  participar nun  Pleno Infantil Conmemorativo .
  Alí presentamos  unha  reflexión elaborada por toda  á  clase de 6º   sobre  o dereito a igualdade na que levamos, en síntese, as ideas plasmadas no seguinte texto . 
                      IGUALDADE    

Todos temos diferentes formas de pensar, de actuar, ou de velas cousas e, polo tanto, unha personalidade propia. Moitos de nós pertencemos a diferentes culturas, relixións, a uns lles gusta xogar ao fútbol e a outros ao baloncesto...

Grazas a esas diferenzas, ninguén é igual, ninguén pensa igual, ninguén fai nada igual e así podemos aprender cousas diferentes os uns dos outros e crear un mundo moito máis divertido.

Hoxe en día convivimos persoas de diferentes culturas e relixións, ao contrario que uns anos atrás. Esta mezcla cultural fai que podamos aprender cousas novas e costumes diferentes ás nosas. Desta forma nos colexios dánse clases de diferentes relixións: evanxélica, católica.....

Os nenos e as nenas de todo o mundo teñen dereito a ir ao colexio como os demais, a ter unha boa educación, a xogar e vivir como nenos.

Todos e todas debemos cooperar para que se cumpra este dereito e así poder convivir todos nun mundo sen discriminación ou desigualdade e no que se valore as persoas que temos ao noso arredor tal e como son, respectando as súas diferenzas.

          Aquí estamos todos os participantes 

Tamén propuxemos:

  1. A creación de centros de recollida de libros, xa que hai xente que tira libros que aínda pódense ler. É dicir, construír lugares onde pódanse deixar e outra xente poda levalos sen ter que abonar nada por eles.

  2. Máis información e cursos para axudar a erradicar as situacións de acoso a nenos que dánse en diferentes ámbitos.

E preguntamos:

1. Como actúa o Concello coa xente que hoxe en día vive na rúa?
2. Considera o Concello que hai suficientes lugares de culto para as diferentes relixións que se practícan na nosa cidade?  

              

   O  Pleno  infantil na  prensa  da Coruña

   La Opinión  de   A  Coruña