FIN DE CURSO 2019/20

                               **   UN  VÍDEO PARA LEMBRAR   **

      Estimadas familias dos alumnos/as  de 4º  :  
Este  curso   vai finalizando .  O vídeo  que vos deixo aquí  está elaborado   a partir  das  actividades  e ideas  compartidas    por   nós    durante  este período  de confinamento  e teledocencia   .
                  

  

---

---

Nesta fiestra do Blog irán  aparecendo as creacións artísticas de diversos alumnos de 4º . Aquí compartiremos debuxos ,carteis , creacións plásticas... Estades todos na casa , algo lonxe entre vós ... pero seguides sendo compañeiros.

GABRIEL   enviounos as primeiras :

Dous carteis para animarnos a todos

Unha recreacion artística feita a partir dunha caixa de cartón : na foto vemos a cara orixinal do can  e a  cara do can na  recreación da súa cabeza en cartón.

  Grazas Gabriel !

 Claudia  agasállanos  cun bonito ecosistema marítimo a partir dunha caixa de cartón e outros materiais .

      

  Grazas Claudia !

    Este bonito debuxo dun tren  para compartilo con todos  os compañeiros    enviouno MANU

 

Grazas Manu !

   JUAN       apórtanos as súas  interesantes   creacións con cartón
, palillos e outras trapalladas  ,  baixo o título de "Casas para monstros "

   Tamén enviounos un creativo esquema da fotosíntese.

  Grazas Juan ! 

 SEBASTIÁN  sementou  unhas  plantiñas    de  tomate   con xeito  e  con técnica   .   Aquí están as fotos   e se facedes  clik  aquí  veredes como  vos conta todo o proceso  .

        *COMO PLANTAR SEMILLAS DE TOMATE EN CASA    

 Grazas Sebastián !

 Con creatividade , maña e arte elaborados.  LOIS  preséntanos estes traballos feitos na casa: hai de todo desde castelos ata cans de diferentes materiais xunto cuns bonitos debuxos . 

Grazas Lois ! 

 HUGO   fixo unhas cantas figuras  xeométricas  :   unhas  planas e outras con volume   e algunhas definidas por liñas abertas  .  Palillos  , plastilina  e  habilidade. 

  

  Grazas  Hugo ! 

SOFÍA MALAGÓN tráenos un traballo sobre o cal  xa levaba un  certo tempo  en preparación. En base  a usar  diversos materiais de refugallo fixo un expositor  e unha exposición en vídeo sobre  un tema  no que na nosa aula de 4º temos oficio e experiencia  : RECICLAXE .

Aquí está  o vídeo


Grazas Sofía!

    LUCILA  fixo   unha simpática e bonita versión dun cadro de Jorge Peteiro e un coronavirus enfadado porque estálle indo algo mal .  Así o esperamos:  que lle vaia ao virus  mal e  á  nosa sociedade ben.

Grazas Lucila  !  

  Con cunchas ,area , pedras , palillos e máis cousas  elaborada ,  YASMÍN  preséntanos unha  artística  praia feita na casa .  Tamén  móstranos  unhas plantas de lentellas  , moi ben coidadas ,  que plantou ela  . 
   

Grazas Yasmín!

 Con   habilidade  e arte    SOFÍA  ÁLVAREZ     elaborou   diversos  tipos de contenedores para  gardar e ordenar   cousas  ,  tamén  deixou  ben claro  nos   cristais   da súa ventá   un  cartel  de ánimo      “ LO ESTAMOS   CONSIGUIENDO “.

O cartel . 

 

    Unha  vez máis Sofía Álvarez  comparte con todos nós unha
actividade . Neste caso é  un informativo para  , ademais de animar, poñernos ao día nas  noticias . "Ponte al día con Sofía " 
Grazas Sofía ! 

LUCILA
envíanos un curioso e ben ilustrado cómic para informarnos das diferentes tarefas que fai na casa con bo talante aínda que con certo agobio e sobre todo con moito sentido do humor .

Grazas Lucila! 

  SOFÍA MALAGÓN enviou un experimento con auga para podelo compartir . A auga non se escapa dun vaso cara abaixo . Como ??? Atentos ao vídeo !! 

Grazas Sofía!

  CLAUDIA    fixo dous experimentos  na casa para compartilos agora con todos vós .
 Nun deles  un vaso cheo  de auga  ponse cara abaixo  e auga non cae ...
( Este experimento está relacionado coa diferencia entre o peso que exerce a presión atmosférica
e o peso da auga )
 No outro  unha  moeda  ponse debaixo dun vaso e  desaparece da nosa vista ...
( Isto ten que ver coa refracción  - desviación dos raios de luz -  cando pasan do aire a  auga e o  paso , tal e como o vemos nós , é en oblicuo e non en liña recta )     Atentos aos vídeos !!

 **Moeda debaixo do vaso que desaparece da nosa vista**.


 **Vaso con auga cara abaixo e a auga non cae **.
Grazas Claudia!

   Para animarnos  a usar a mascarilla de protección  sanitaria  ,  Claudia  combinou   nun expresivo   e  comunicativo  debuxo ,   un coronavirus  cunha  mascarilla de protección  . 
            

Unha vez máis  , grazas  Claudia.