UN INCENDIO INESPERADO EN MARÍA PITA

O xoves , 22 de abril, houbo un incendio en María Pita . O incendio saiu en dous xornais. 

O INCENDIO EN LA VOZ DE GALICIA 

  O INCENDIO EN LA OPINIÓN DE A CORUÑA

  O incendio tamén  tivo outros observadores . Os alumnos de  5º  do noso colexio . Aquí contan o seu relato do acontecido.

           Fotos  e vídeos  do incendio proporcionadas por  María e Hugo

 

  

  UN VÍDEO DO INCENDIO . PREME AQUÍ

OUTRO VÍDEO DO INCENDIO . PREME AQUÍ

  

               Rotulado de Sofía

     HUGO 

  O xoves , 22 de abril, moitos alumnos da clase de 5º de primaria fomos  a María Pita porque era o aniversario de María.             Eu empecei a ulir a queimado e pensei que era unha grellada  dos veciños. Pero de súpeto empezou a saír un montón de lume dunha casa e o pai de LOIS avisou á policía.Empezaron a chegar máis policías e pecharon a zona. Chegaron os bombeiros e unha ambulancia. Usaron a escaleira para subir e apagar o incendio coa mangueira. NON HOUBO NIN MORTOS NIN FERIDOS .

        LOIS 

O xoves , 22 de abril, en María Pita estabamos moitos amigos do Ceip Cidade Vella e de súpeto o meu pai foi correndo ao axuntamento e un policía foi correndo ao lado dunha casa cunha estada . Acto seguido cheirei a queimado e fun correndo, o 2º foi Juan e o 3º Hugo e chegaron moitos, moitos, moitos, moooitos policías e bombeiros, despois chegou a ambulancia.

 Uns nenos de Dominicos puxéronse a berrar: Que estes bombeiros nos tiren caramelos! E Juan  dixo:  Si , a ver se vos tiran auga!  Despois todos nos fomos a xogar.

  SOFÍA

O día 22 de abril houbo un incendio en María Pita. Estabamos xogando e de súpeto dun tellado empezou a saír lume, eu pensaba que era que estaban facendo un asado pero ... era que algo se estaba queimando! Uns minutos despois chegaron os bombeiros, a policía e a ambulancia, pero por sorte non había mortos. Ao final os bombeiros apagaron o lume.

MARÍA 

O día 22 de abril houbo un incendio en María Pita. Estaba toda a miña clase. Estabamos todos tranquilos cando de súpeto empezou a correr a policía .A nós , nos chamou atención e fomos ver que era o que pasaba . Cando saímos dos soportais vimos que se estaba incendiando unha casa! E eu asusteime moito . A miña nai buscounos e nos levou aos soportais para estar protexidos.O incendio foi  cesando  ata que parou . Cando pasou continuamos celebrando o meu aniversario.

BADAR

 Un día no aniversario de María estabamos en María Pita , despois houbo un incendio e o pai de Lois  chamou á policía . A policía chamou á ambulancia e a os bombeiros que intentaron ver se había algún corpo pero non había ningún corpo .Durou uns 45 minutos ou 1 hora. Algunhas persoas gravaron vídeos ,fixeron fotos , etc . 

YASMÍN E TAVITA  

Estabamos tranquilos en María Pita uns cantos nenos e nenas da clase celebrando o aniversario de María. De súpeto empezou a xuntarse un montón de xente hasta que nos dixo a policía que se estaba queimando unha casa e a policía afastounos do lugar.

 Despois de que a policía nos afastara chamaron aos bombeiros e viñeron máis policías. A xente estaba superasustada e illada. Despois dunha hora de drama veu unha ambulancia. Chegaron como 3 ou 4 coches máis de policías e de bombeiros. Despois de media hora un bombeiro logrou apagar o lume, e so si, había moito fume. En fin, un xoves moi tolo 

O incendio visto por YASMÍN  

 

O incendio visto por FASIL  

 

PLENO NO CONCELLO DE A CORUÑA

      Co gallo do 26 aniversario da   Convención  sobre   os Dereitos  do  neno   ( 20 de Novembro  de 1989) fomos convidados  polo Concello da Coruña ,  xunto con  outros colexios da cidade , a  participar nun  Pleno Infantil Conmemorativo.
   Cada  colexio centrouse nun dereito para expoñer e ao MONTEL TOUZET se lle  asignou  EDUCACIÓN.  Así presentamos  un texto elaborado en base á reflexion feita por toda  a  clase de 6º . Isto foi , en síntese,  o que Iván , Iria, Ana, José , Pablo e Rebeca  espuxeron;   froito daquelas reflexións.

                  DEREITO Á EDUCACIÓN    

  Todos  procedemos de  diferentes familias  nas que o  xeito de observar o mundo que nos rodea e de reaccionar ante diferentes situacións non coincide exactamente,  pero Independentemente da familia que teñamos,  todos coincidimos no importante que é recibir educación . Recibimos educación na casa, cos nosos ,  coa xente  que desde que nos levantamos estannos botando unha man e  dándonos apoio. Recibimos  educación en familia  cando nos recordan o importante que é o respecto e a tolerancia, e o que é máis importante cando vemos  que na súa conduta diaria os nosos pais/nais/avós/avoas  se comportan  así. 

  Cando chegamos á escola  tamén   recibimos  educación.  Dannos  unhas normas de convivencia para cumprir . Pero o fundamental  é cando vemos aos nosos profesores/as no seu labor diario , axudándonos,  e sobre todo , dándonos  exemplo de respecto ás normas.   Botando  unha man aos que máis  o necesitan, insistindo e sendo firmes en non tolerar condutas agresivas.

     Na escola aprendemos sobre a cultura e a historia dun país e iso  fainos mellores cidadáns. Aprender a redactar e  a expresarnos en varios  idiomas  axúdanos a integrarnos no mundo . 

     Consideramos  moi importante o valor educativo da solidariedade   porque  no mundo no que vivimos é fundamental poder axudar  aos que , polas razones que foran , non están recibindo educación tanto  aquí  como fóra do noso país.  

  A televisión   debe botar unha man no eido da educación  porque ás veces non axuda.  Cando acendemos a tele nun  horario normal e escoitamos  unha  linguaxe  pouco apropiada ou vemos unhas condutas  non correctas para educarnos ,  non nos está axudando.

    Nalgúns lugares do mundo a educación está moi mal : nenos que se lles obriga a traballar en vez de ir á escola, nenos que se lles obriga a coller  un arma para ir á guerra , en fin,   moito que facer aínda.  Pero nós aquí tamén temos que mellorar : máis becas para quen as precise e máis cartos  para material escolar e material das escolas   

  Sabemos que  os que nos estamos educando agora somos os adultos do futuro  e  polo tanto ben paga a pena non racanear en esforzos para mellorar.

     Foto  de familia de todos os participantes .

  
  Estas foron as nosas propostas de mellora  

  1. Suministrar máis información e cursos para axudar a erradicar as situacións de acoso a nenos que se dan en diferentes ámbitos.

 2. Suministrar  máis  información  e

máis cursos ou obradoiros para axudar a erradicar  a violencia  no deporte e sobre todo á que  rodea ao mundo  do fútbol. 

Estas son as dúas preguntas que lle

prantexamos ao Concello 

1.Como actúa o Concello

  coa xente que hoxe vive na rúa?

  2.    Como actúa o Concello coa xente que ven de fóra e non ten recursos para organizar minimamente a súa vida ? 








O PLENO NOS MEDIOS DE COMUNICACIÓN:

   

DUN XOGO TRADICIONAL : A BUXAINA

A   BUXAINA

Marcos e Pablo, dous expertos lanzadores de buxaina, escriben sobre ela.

Buxainas  de hoxe e onte,  e algún truco

por

PABLO  OTÓN CARIDAD

     A buxaina é un xoguete tradicional e sobre todo moi entretido, aínda que agora xa hai moitos modelos novos. As buxainas de agora son de plástico duro e mesmo  hai algunhas que lles xira a punta e a podes coller entre os dedos e que che siga xirando,   aínda que se rompen antes cas de madeira, pero o que máis me gusta das antigas é que  podías  pintalas cun pincel da cor que quixeras .

  Un truco moi usado é o de poñer os dedos do medio separados , un con un e outro con outro e  cando os teñas postos   te  agachas e cun movemento  dos dedos, a pos rodando na man.

Debuxo:José Francesch Valiño

 Fundamentos técnicos do funcionamento da buxaina    

                                por

           MARCOS MARTÍNEZ   MALLO

Unha buxaina ou peón é un corpo que se fai xirar cun cordel sobre unha punta de metal sobre a que sitúa  o  seu  centro gravitatorio de forma perpendicular ao eixo de xiro,  equilibrándose sobre un punto grazas á velocidade angular,   que permite o desenvolvemento do efecto xiroscópico.    

       Os xiros  gradualmente diminuirán   debido   a  forza  de rozamento do aire,   conducindo a que o corpo se balancee trazando unha traxectoria circular  ao  seu punto de apoio ata que esta é  maior que o centro de gravidade   provocando finalmente a caída.
 Normalmente utilízase coma xoguete aínda que tamén foron usadas para xogos de azar e para realizar profecías e outros rituais.

           Fonte de información: Galipedia

  VÍDEO  SOBRE  A  BUXAINA

BUXAINAS  NA PRAZA DE MARÍA PITA . LA VOZ DE GALICIA . FAI CLIK AQUÍ

EXPOSICIÓN SOBRE BUXAINAS  NA CORUÑA .

***FAI CLIK NESTA LIGAZÓN

*** OU BEN NESTA OUTRA LIGAZÓN

Comentamos noticias: Temporal en Galicia

 
  Comentamos noticias 


TEMPORAL EN GALICIA  .LA VOZ DE GALICIA  . DATA  11 defebrero de 2013.