2º CAMPIONATO DE XADREZ : AULA DE 6º

Trofeos feitos  na clase a base de cartóns de refugallo

 

De novo volveu a emoción á aula de 6º co 2º Campionato de Xadrez que tivo lugar durante os meses de febreiro e marzo . Torneo moi disputado, no que os xogadores, ao igual que outras veces, empregáronse a fondo. As técnicas van mellorando e o que é máis importante domina o FAIR PLAY e a  boa relación entre eles .

   O gañador deste torneo foi 

               SERGIO VALLE MARÍN

quen en reñida partida  da final con FABRIZZIO alzouse co trunfo .

Parabéns aos dous !!

ENTREVISTA  que lle fai SANDRA  ao gañador do campionato SERGIO.

 

1ª Desde cando xogas ao xadrez?

-Desde os cinco anos.

2ª Onde aprendiches e quen che ensinou?

- Non aprendín en ningún sitio, ensinoume o meu pai.

3ª Que estratexia se che da mellor cando xogas ao xadrez?

-Non o sei .

4ª Algunha vez competiches nun torneo de xadrez?

-Si, en moitos sitios, en concreto no torneo da Hípica.

5ª Gustouche a copa que che deron por gañar?

-Si, gustoume moito.

CAMPIONATO DE XADREZ

  Durante os meses  de novembro e decembro  organizamos   na aula de 6º un intenso ,  emocionante e competido campionato de xadrez , cunha ampla  participación .  Deste torneo saíu un  gañador,  FABRIZIO,   quen recibiu unha copa de fabricación artesán,  tamén a recibiu o segundo clasificado  SERGIO.

       Usamos ,  obviamente,  o  noso magnífico material reciclado  de cartón de refugallo . 
                                    O torneo, en imaxes. 

Fabrizio  en plena competición

        

Trofeos feitos na clase/ casa

A final

                                                 

                                       Parabéns a todos os participantes !!

           Entrevista ao gañador, FABRIZIO, que lle fai ANA . 

• Desde cando xogas ao xadrez?
• Desde os cinco anos.
• Onde aprendiches e quen te ensinou?
• Nunha escola,desde os dous e ata os tres.
• Que estratexia se che da mellor cando xogas ao xadrez?
• Vou polo rei e trato sempre de comer as torres do adversario en primeiro lugar .
• Algunha vez competiches nun torneo de xadrez?
• Non.
• Gustouche a copa que che deron por gañar?
• Si.
   
  

     Por outra parte  Carlos Nicolás Martínez Elvar participou o domingo 29 de novembro nun Torneo de xadrez celebrado no Sporting Club Casino e convocado pola Asociación de Xadrecistas da Coruña . Clasificouse en terceiro lugar da categoría sub 12.

  
  

                 Impresións do torneo contadas  por  

                      Nicolás Martínez Elvar

    O torneo, elaborado ao estilo de xogo suízo, constaba de cinco rondas. A min tocoume descanso nunha delas.

  Tiven que gañar a dous xogadores de moi bo nivel (un de 14 anos e outro de 12).

  Aínda que na clasificación se separaba por categorías, as partidas xogábanse con nenos dende 11 anos ata 14.
  Por cada partida gañada sumábase 1 punto e tamén no descanso, polo que eu quedei en terceiro lugar de sete xogadores sub 12 e cuarto no conxunto sub 12 e sub 14.